Республика чергелиг VII дугаар «Ю. Аранчын номчулгалары» деп эртем-практиктиг конференция
Тес-Хем кожууннуң үндезилеттингенинден бээр 100 чыл база Самагалдайның тургустунганындан бээр 250 чыл оюнунга тураскааткан республика чергелиг VII дугаар «Ю. Аранчын номчулгалары» деп эртем-практиктиг конференциязы сентябрь 8-тиң хунунде Самагалдайның 1 дугаар ортумак школазынга болуп эрткен.Аңаа өөреникчилер, башкылар,эртемденнер идепкейлии-биле киришкеннер.
О-Шынаа ортумак ниити билиг школазының тыва дыл болгаш литература, орус дыл болгаш литература башкылары болгаш өөреникчилери идепкейлии-биле киришкеннер.8-ки класстың өөреникчизи Санчат Айнаш болгаш 11-ги класстың өөреникчизи Чаткар-оол Саина Станиславовна киришкеннер. Чаткар-оол Саина «Старт в науку» деп номинацияга төлептиг болган, Юрий Аранчын Фондузунуң мурнундан белек-биле шаңнаткан. Маадыр Сайзана Кан-Демировна,Чамзырай Мира Дагбаевна,Тюлюш Байлак Васильевна эртем-практиктиг конференцияга киришкеш, сертификаттар-биле шаңнатканнар.
